syriahomenews أخبار سورية الوطن
هاجم نقيب الفنانين السوريين زهير رمضان زميلته الممثلة السورية كاريس بشار واصفاً إياها بغير المتعلمة ومعايراً إياها بعمرها.
وفي التفاصيل، عُقدت منذ مدة انتخابات النقابة السورية لاختيار نقيب الممثلين بعد مواجهة بين مجموعة من المرشحين ومن بينهم كان الممثل السوري زهير رمضان الذي حقق انتصارًا كاسحًا على المرشحين.
خلال فترة الانتخابات، شاركت
كاريس بشار تغريدة من حسابها في تويتر جاء فيها “24 سنة بمهنة التمثيل.. 24 سنة ما كنت بتحمل فكرة الانتساب لنقابة الممثلين لكتير أسباب..بس هالمرة إذا بكون النقيب فادي صبيح أنا ما بفكر.. أنا بنتسب”.د
تغريدة كاريس جاء الرد عليها مؤخراً من النقيب بنفسه في إحدى المقابلات وعلق على الموضوع “السيدة كاريس بشار إلها الحق تقول الي بدها إياه.. بس انو من 24 سنة ما كانت مفكرة بالتسجيل.. هي ما كان إلها الحق تفوت على النقابة لأنو من الشروط شهادة البكالوريا وهي كان معها بس شهادة صف تاسع.. ولما حصلت على شهادة البكالوريا مؤخراً كان عمرها يتجاوز الـ 40 وهو أكثر من العمر المسموح للانتساب”.
تصريح النقيب فتح باب الهجوم عليه من رواد السوشال ميديا، وكان من بين التعليقات “والله اللي متل كاريس بتضيف للنقابة لما تنضم الها ..مو متل زعير اللي كل يوم عم ينقص من قيمة النقابة طول ما موجود فيها..ياعيب الشوم ع هالتفكير .. كاريس نجمة بتضوي بتدرّس الناس الفن و الاخلاق”، وأضاف آخر “بس هو قال اخذت البكلوريا من جديد!؟! وكأنة قبل فترة قليلة وهذا كذب …هى كان بإمكانها الانتساب بـ2001 لان معها بكالوريا ودخلت جامعة المفتوحة قسم إعلام سنين ودرست ادب عربي سنتين هذا كلامها بالبث المباشر من عام يعني من ذلك الوقت تقدر تنتسب للنقابة لو حبت بس هي مابدها”
بينما دافع البعض عن النقيب فاعتبر أن تصريحه جاء من باب الحقيقة، وعلق المدافعون: “بس هو ما أعطى شهادة فيها وحكى عنها باحترام بالبداية واحترم رأيها، هو فقط وضّح حقيقة كلامها عن سبب عدم انتسابها للنقابة. ما في شي بيستدعي تحوير كلامه بمناحي شو قدمت!! لأنه ما أنكر شي من عطاءها ولا فتح سيرة الزلمة”.
من جهة أخرى، كانت آخر أعمال كاريس الفنية مسلسل “سوق الحرير” ولعبت أحد أدوار البطولة بشخصية “قمر” إحدى زوجات بطل العمل بسام كوسا, وعرض العمل خلال الموسم الرمضاني 2020.
سيريا هوم نيوز /4/ اوقات الشام
