syriahomenews أخبار سورية الوطن
محمود القيعي:
قالت الممثلة صفاء أبو السعود إنها كانت تشعر بالرعب أثناء العمل مع الفنان عادل إمام لأنه يندمج في الأدوار بشكل كبير، لافتة إلى أنها عملت مع ثلاثي أضواء المسرح وكانت تشعر بالبهجة لوجودها معهم، مواصلة: «جورج سيدهم، جيه قعد مع حد اتقدملي واتخانق معاه، ووافق، بس أنا طفشت العريس، جورج ده كان طيب جدا، وأنا طفشت العريس عشان أنا بحب الفن، أما الضيف أحمد، فحضرت معه فيلمين بس، وهو كان بيموت من الضحك في الحقيقة، أما سمير غانم، والده زميل والدي، ودفعة واحدة، وعندي صور ليه كتير في البيت، أبويا ووالد سمير، كانوا بيتصورا أثناء دراستهم في الداخلية، ومكنتش متخيلة إني هشتغل مع سمير غانم، ورحت اشتغلت معاه، أول رواية كان اسمها (إنت اللي قتلت عليوة)، وجورج سيدهم اتفاءل ساعاتها وعملتهم بعد كده معهم (موسيقى في الحي الشرقي) المعروفة طبعا، وحققت نجاح كبير، وحقيقي سمير وجورج كان عندهم مقدرة يضحكوا الصخر».
وأضافت خلال حوارها مع لميس الحديدي أن سمير غانم كان يرتجل بشكل كوميدي، وقادر على إخراج الضحكة من كل شخص، لافتة إلى أنها كانت تضحك كثيرا أمام غانم وبدأت تتحدث بصوت عالي من أجل أن تظهر جادة في المسرحي.
وعن أغنيتها الشهيرة عن “العيد” قالت: «بشكر ربنا على أغنية أهلا بالعيد دي فضلت سنة ونص في البيت وبقيت خايفة أصلا أعملها ومقولتش لحد إني بعملها وفوجئت أن الأغنية بتتذاع في التليفزيون في وقت سريع جدا وشوفتها على القناة الأولى والثانية والثالثة وانتشرت بسرعة».
سيرياهوم نيوز 6 – رأي اليوم
