حرب التصريحات تشتعل بين جمهور أنغام وشيرين بسبب لقب “صوت مصر”

تسببت التصريحات التي أدلت بها الفنانة شيرين عبد الوهاب في برنامج “كاربول كاريوكي” مع هشام الهويش، في إثارة أزمة بين جمهورها وجمهور الفنانة أنغام، وذلك بعدما أكدت الأخيرة أنها الأحق بلقب “صوت مصر”، وهو اللقب الذي أطلقه الجمهور على الفنانة أنغام مؤخراً، وخاصة بعد احتفاء هيئة الترفيه السعودية بها في حفل حمل اسم “صوت مصر”.

وفي رده على تصريحات شيرين قال الموسيقار خالد محمد علي سليمان، شقيق أنغام: “أنغام الوحيدة في زملائها اللي عارفة قيمة بلدها وأنها واجهة لبلدها، وهي مش مستنية شكر، ولكن دي الحقيقة ودي مسؤولية هي بتحافظ عليها، والتريند رقم 1 مكتوب صوت مصر أنغام، بعد حفلة صوت مصر كل المطربين قالوا على نفسهم صوت مصر”.

وتابع: “لقب صوت مصر ده مظهرش غير على أنغام أصلًا، ولما أعادوا إنتاج النشيد الوطني أنغام هي اللي غنته، لأنها الوحيدة الجديرة إنها تكون صوت مصر، وعمر ما اتقال صوت مصر على حد غير أنغام، وأنغام الجديرة بعد أم كلثوم يتقال عليها السلطانة وصوت مصر”.

وأضاف: “بين كوكب الشرق وصوت مصر أنغام مفيش ألقاب تانية، وأي لقب تاني يبقى صاحب الاسم بيطلقه على نفسه، وأنغام بتقول على نفسها هاوية، وهي عمرها ما شكرت في نفسها، ومفيش لقب يتقال بعد كوكب الشرق غير صوت مصر أنغام”.

وكان إيهاب صالح، مدير أعمال شيرين عبد الوهاب، قد كتب عبر حسابه بموقع “تويتر”: “لكل جمهور شيرين وأنغام، شايف بقالي كذا يوم كلام كتير رايح جاي في قصة الألقاب ومين صوت مصر ومعركة كلامية داخلة في منطقة مش لطيفة خالص”.

وتابع: “أنا الحمد لله على علاقة قوية بالنجمتين بقالي أكتر من 15 سنة، وكل الوسط يعرف ده كويس جدًا، شيرين بتحب أنغام وبتحترمها من زمان وأنغام طبعًا بتبادلها نفس الإحساس، كل الكلام والإشاعات العجيبة إن أنغام ورا مشاكل حسابات شيرين على السوشيال ميديا ده كلام ملوش أي صحة من الأساس، وأنا في المطبخ وعارف كويس جدًا إيه سبب المشكلة”.

واختتم حديثه قائلًا: من حق جمهور كل نجمة يغير ويحب نجمته يدافع عنها، بس طبعًا من غير غلط وتجريح عشان إحنا أرقى من كده، خلاصة الكلام شيرين وأنغام دول ‎أصوات مصر وقيمة كبيرة عندنا وفي الوطن العربي.. استهدوا بالله كده”.

سيرياهوم نيوز 4_راي اليوم