syriahomenews أخبار سورية الوطن
كمال عبد الكريم
وحدي أنا والليل والعتمة
ما في قمر بالجو أو نجمة
ألحيطان كلا مسكرة بوأبا
متل الحبس والقهر والظلمة
ما في حدا بقلو صباح الخير
ولا في حدا بيسلم بكلمة
وين اللي كانوا يسكنوا بقلبي
وين اللي كانوا يسبحوا بدمي
ما في حدا بيصيح يا خالي
ولا في حدا بيقول يا عمي
نص البشر صاروا حجر صوان
ماتت بقلبن نعمة الرحمة.
وين يللي كانوا ضحكة شفافي
وين اللي كانوا يفرجوا همي
شاركت كل الناس أفراحن
شا ركتهن بالحزن والغمة
قلال اللي ضلوا يعرفوا بيتي
قلال اللي ضلوا يعرفوا أسمي
ربيت أولادي ع حب الناس
صار وا رمز للحب والحكمة
ومنشان أبدل دمعتي بفرحة
دعيلن بطول العمر يا أمي
(سيرياهوم نيوز3-صفحة الكاتب)
