syriahomenews أخبار سورية الوطن
المقادير:
حبتين بطاطا حجم وسط مسلوقين
نصف كوب برغل ناعم مغسول ومصفى من الماء
حبة بصل حجم وسط مقطعه مكعبات ناعمه
ملعقة طعام صلصة بندوره
ملعقة طعام صلصة فليفله
كوب بقدونس مفروم ناعم
كوب بصل مفروم ناعم
ملعقة صغيره بابريكا
نصف ملعقة صغيره كمون ناعم
ملح حسب الرغبه
زيت زيتون
طريقة التحضير:
بهرس البطاطا و بضيف عليها البرغل، بغطيهم و بتركهم ينقعوا مع بعض
بالمقلاية على الغاز بضيف زيت الزيتون، وعليه البصل مقطع مكعبات ناعمه، وملح، بتركه حتى يدبل و ياخد لون ذهبي
بضيف صلصة البندوره، وصلصة الفليفله، والبابريكا والكمون
بقليهم كتير منيح وبشيلهم على جنب
بضيف قلية البصل للبرغل والبطاطا بعد ما نقعوا منيح وحبة البرغل صارت طرية
بفرك المكونات كلها مع بعض حتى تصير قوام واحد متماسك، وبنقدر نشكلها بأي شكل
بضيف البقدونس والبصل وبخلطهم مع بعض
بشكل الكبه وبقدمها ساده او مع حبات الرمان، والخس ودبس الرمان
(اخبار سورية الوطن 2)
